بين القدس والأدس ومدني وفلااح تستمر العنصرية

للاسف احنا شعب نسي القضية وقعدوا لبعض عالوحدة متل ما بيقولوا, وبين مدني وفلاح وكاف وتشاف وكال واّل ضعنا,, مش غريب نسمع كلمات المجاكرة والمسخرة وين ما كلن ( جامعة, شارع , منتدى, فيس بوك, .... ) ليش كل هاد وعلى شو؟!! شو مدني وشو فلاح؟! عمرها ما كانت اللهجة هيي الاساس اللي بيحدد تعامل الناس مع بعضهم وعمرو ما كان اصل الانسان نقطة علييييه
يمكن البعض ينظر للقضية على انها قضية سخيفة ومش محتاجه اصلا الواحد يحكي فيها بس انا بحكي فعلا عن اشي بلمسو بمجتمعنا الفلسطيني اللي مش المفروض يكون هيك واللي المفرووض شعبنا يكون قلبو على بعض لانو احنا بوضع لا نحسد عليه... انا فعلا بحكي هالاشي عن تجربة شخصية.. انا والدي من احدى قرى القدس ووالدتي من القدس وتربيت بالقدس بس ما تخليت عن اصلي ومين ما يسالني من وين بحكي اسم قريتي ما بحكي القدس لانو اصلي هيييييك..اما بالنسبة للهجه فهااااي بتيجي مع التعويد وكلنا ولانو معظم احتكاكنا بيكون مع امهااتنا بنكون متأثرين بلهجتهم اكتر من لهجو الاباء وخصوصي البيئة والتعويد.. ما علينا
اوووه مستحيييل مش حااسستك قروية.. انتي غيييرهم(كلمات اهل (الأدس))
منتي فلااااحه شووو تخليتي عن اصلك احتشي فلااااااحي يا خالتي (عبارات اهل البلد)
شوف شوووف بنت المدنية!!!! يرحم سيدك !!
على شوووووووووووووو كل هاااااد؟!!!!!
شو هالسطحية وشو هالتفكيير المتمحص والمتمعن والمتفحص للامور؟!! عن شو فكركم بينم هاد الاشي؟؟ ايمتى رح نتغير ونصير ننظر نظرة اعمق من هيك وننسانا شوي من النظر والاهتمام فقط بالقشور
لو انو بدنا نيجي للواقع مش كل قروي فلاح .. كم من واحد بالقرى بيدخل على ارضو وبيشتغل وبيفلح فيها وخاصة الجيل الزغير بس لما بيصير نقاش هوووون بيصير فلااااح..
برجع بحكي يا ناس يا عااالم يا بشر انسونا من السطحية احنا اكبر واسما واعلا من هييييييك..
انا اول مرة بكتب موضوع بحسو مش مترابط لا ترابط عضوي ولا موضوعي بس اللي قدر يفهم لو 30% من اللي حكيتو كتييير رح اكوون ممنوونه

اشكرك اخي الكريم القدس لمرورك الكريم لكن اود توضيح نقطة معينة.... ليس لاحد في الدنيا ان يحط من شان احد سواء المدني او الفلاح فالمدني له انجازاته والفلاح كذلك وهما جزئان لا يتجزئان من هذا الوطن لا فضل لاحدهما على الاخر فكل وما كسبت يدااااه :]

اول اشي بحي اتشكر مروورك الكريم تاني اشي بتمنى انو كل الناس فعلا تكون بهاد المستوى من الوعي وتترك التفاهات وتفكر بايجابية..

احلا خالتو والله واحلا قلقيلية